機場迷路中

到淺草後將行李寄存在車站，去familymart買左個飯團頂一頂肚先，然後走去雷門+仲世見通+淺草寺…見到有扇的店都走入去一次，懷疑自己係個扇控<<有4把紙扇
而家係仲世見通旁的一家烏冬店排隊食午餐，仲有兩個幾鐘先可以check in…我食完飯去邊遊盪好，實在冇辦法毫無目的咁走黎走去啊

check in左呆在房裡超眼瞓…飛機上根本冇瞓到幾多，兩點幾上機瞓到4點醒左，想再瞓但腳又唔舒服瞓唔著

今日仲去唔去池袋/上野好呢？
但上野有咩行又要查

論我日文有幾不濟，今朝係familymart買飯糰，見到加野飲都係多20yen於是買飯糰set，比完錢個店員拎住張單唔知講左d咩(佢用日文同我講)，我又睇唔明上面寫咩…佢見我聽唔明先用英文講一次，應該係可以憑單免費換野飲，跟住佢走左去雪櫃個邊問我要邊支

然而後人形燒其實係咩黎？我見到通街都係…
見到有間賣100yen兩個就買左黎試，但因為剛買時有少少熱，再加上天氣熱，就到而家仲未食

7點出去食晚飯，8點幾就返到酒店，我是否太早了

然後我去買銅鑼燒忘記左食用期限呢件事，行過就買了…又冇問人買幾個可以入盒，自己又睇唔到，希望放落gip唔會爛啦

晚飯那家店員比餐牌我問我要哪種語言的，我下意識答左英文，完全忘記佢門口寫住有中文…但其實我入去之前已經決定好食咩(ry
食完沙律(唔好意思食剩就連唔鐘意的蕃茄都食埋)，食左啖飯覺得好味先醒起未影食物相(不愧係推薦餐

一個人住兩人房，有兩張床兩套浴衣

我4歲之後就冇自己一間房過，而家仲要一房兩床