【口語，奇妙工作邀請】同大家講件事，我覺得係笑話。
有人邀請我做anime designer ，做手遊設計之類的
我係到想緊，你個腦係唔係塞左。
我d垃圾技巧 垃圾畫功你覺得可以搬上大台？？？？？？？你一定係嫌錢多(。

事源我某一日收到一個舊同學的INBOX問我要唔要加入佢個工作團隊，大概係做遊戲設計之類的，發展會好宏大，希望可以搵我一齊加入。

我心想：大佬你幾時做左傳銷人員？不過佢個工作方向其實我都係想TRYTRY，人一世嘛，試下無妨的。

然後我回佢：非常有興趣，不過本身在職人士，冇咁快可以Join in到，我表示如果有其他適合人選請左對方先。

然後佢話非我不可咁(個個老細都係咁吹啦)。

下收：

但我實在係怕能力不及，一來自己已經好少畫圖，二來畫得慢，三係致命傷唔係大手，畫得唔好睇啊

然後我就話，我加入左先，但係如果我覺得能力勝任唔到，我走。

對方老吹：你要相信我個直覺，你有潛力，有心就可以做得更好，可以突破到自己沖出框框Brabababa

我內心OS：你當依個世界真係靠愛發電？ 愛情真係可以飲水飽

咁算啦，我當佢地係玩票性質，當係參加繪圖企劃，成功左自然開心，失敗左都冇所謂，係個testing，初初我係咁想的。

然而係依個靠愛發電的環境下，我開始擔心同team D伙伴係點，如果個個都係好似我咁咁就大家一鑊熟都似⋯⋯
我就婉轉咁問對方同team人D ArtWork作品可唔可以透露一下，睇下自己個水準同對方差幾遠。

對方又同我講：唔需要睇，你唔需要咁擔心，我地有個資歷深的desginer帶著，唔好咁大壓力。

我OS：⋯⋯黑人問號，大佬，你做野唔係連同事底蘊都唔知？！我好怕WO，返工有壓力好正常GA。

成件事我覺得最唔對路的係：佢地去到講投資，會搵投資者贊助搞

我: 大佬！！！！！你係唔係講笑？？？？？？？？我原本只係當普通小企劃的心態唔同晒，個責任唔同左啦。你係唔係太過進擊？？？？？？

中間去左旅行我就冇理到，聽說係開過一次會咁。

然後我好迷茫佢地到底要點搞，問對方會議討論結果，(我好想知道你地做左咩，同想我地做咩)例如：

目前為止，手遊制作設計方向係點？

遊戲故事，世界觀、時間點、主人翁性別、主軸劇情發展

市場主導係女性向還是男性向？

市場上有冇一個類似操作方式的手遊作為參考數據？

我覺得我問D野已經好簡單，好基本

叫佢比個遊戲構思我，比左個夢想計劃藍圖我。
WTF咁你地開會係做咩春？？？？？？

我係資方點都要你比半個成品我睇啦。high 大左啊你

佢地真係咩春都冇，就已經想到有50萬消費者收入幾多。

最搞笑係問我地有冇人要學GAME上一D課程，爭取由投資者贊助，大佬！你出來做野仲要大老闆比錢你上堂？？？？我去請個有資歷的唔好？？？？？大家全部都係白紙一張，你當我係你邊個供你返學？！好大潛能？？？？？我請你係買技術，唔係培訓教育你啊，你訓晒先同我講野啦＜－投資者一定會咁想，仲要吶喊式果種

真心覺得搞手係一個堅離地夢想製作人。
夢想係豐滿的，現實係骨感的。

你唔好飛左上天啦，對腳落返地行好唔好？

真係套用朋友果句：//未學行已經FF自己係賽跑冠軍。//

佢已經FF到係冇任何成品／構思企劃情況下想要一兩個月後拜訪阿里集團＋中國前海＋數碼港投資者，我真係覺得佢地完全high大左，作為其中一員真係覺得我地憑咩去令到人地會投資比我地，又唔係掘起新人，只係舊薯仔，又冇經驗，又唔係佢地分公司憑咩要人投資，發夢冇咁早啊年輕人。

我完全係有種：你個腦係唔係生左係屎忽，唔好坐住左佢啊。

成篇野好好笑 笑到gapgap聲

八啦巴叭叭 訪問一下邊個部分令你最開懷

我以為冇人睇

係一個冇寫手寫故事大崗下，佢地就話要我地設計員諗一下人物同場地草擬。

大佬，設計你都要有個故事比到人至得ga, 冇故事起點 點開始你個夢想冒險旅程啊。

我畫開立繪平塗，你叫我畫個3D無線繪圖比你的話我點死比你睇，畫畫唔係話你想要就生到比你ga.

你個故事世界到底係古風、科技系、童話、格鬥、西歐科幻etc 咩都冇叫人點做。

你不如正正經經咁討論左劇情線背景先好唔好

成個project 我真係唔出聲聽佢地FF

扮死狗的我，作為一個行外人我都知道情節重要性

最好笑係你問遊戲設定 佢同你講夢想藍圖
好似我以前老細咁胸懷大志

八啦巴叭叭 講到我差d爆炸，真係想叫佢唔好FF咁多，野都未做。

同學你咁天真點生存->我個腦係咁想（。

八啦巴叭叭 咁你細佬有冇比依個社會現實打破左佢個胸，係唔係平左啦

我係台灣做野，之前份工係做發展商既美工，入到去先發現老闆係有錢無腦既人，佢第一次起樓果陣起左一棟三層單棟，只有一棟唔係屋院，然後咁岩比佢拎左獎。
之後佢就好有信心地係豪宅區買左塊地，然後起成個屋院，每坪比同區貴6成(大概36呎)賣台幣104萬(其他屋一坪49萬)，然後覺得會賣得出。

我覺得佢賣唔出會臭脾氣, 加上我會飯碗不保, 所以我晨早quit左, 然後佢真係賣唔出

八啦巴叭叭 哇，竟然去台灣做野，羨慕

八啦巴叭叭 等等，當初個房屋設計係邊個度

同區貴咁多，幾靚都要想想到底比唔比得起.....

然而唔係靚好多。
老闆自己設計既, 當初得獎果間佢自己住緊 :0)

八啦巴叭叭 所以自己膨脹到不得了（。