【社畜黑】嘩我好耐無發過工作相關既黑噗啦
我真係巧叻叻啊(x
等我宜家發一個先(x

是咁的 四月頭有復活節假期
我放得好開心
但唔開心既係我少左好多時間做野
作文越積越多 宜家多到根本無可能改完((

原本都係積左一星期既量
宜家係積左超過兩星期既((
我一開始都好俾心機去改
但四月中我教既班多左
又要專登開班幫人補堂
於是我既時間越來越唔夠用
d作文就ryyyy

最慘係有助教唔做
宜家全公司會改文既
剩返我同一個只返星期六日半晝既助教
嘩巨巨我地兩個人兩雙手
嚴格係講其實只有我一對手
因為老細想慳皮幾乎唔多請助教返黎
點先可以係一個星期內清哂200幾份作文

一睇個厚到爆炸既作文folder就知係大伏啦
老細每次上堂都會望到
無理由預計唔到宜家個後果有幾嚴重
呢一個月 我每個禮拜都有同老細講過
我唔夠時間 d作文越積越多
又問佢有無助教返黎幫我
佢每次都話得得得我知我知

今日佢見到我 就同我講d作文太多未改啦
我即刻嬲到火山爆發
我X你我改到頭都痛埋(<don't爆粗
你一句唔該都無仲要怪我??
你自己都係老師啦你要唔自己改下??
更何況d作文有九成都係你d學生既
我平日要幫你改哂佢已經有d躁
宜家我改唔切大鑊既係你
係你派唔到作文俾人
可唔可以唔好將個責任擺哂係我身上??
不過佢上緊堂 所以我好乖咁(x)等佢落堂先同佢講

落堂後我去問佢聽日有無助教黎
又同佢強調返我呢個月真係好忙
放假加補堂令我無哂時間
佢就話我知我知
聽日會請果一千零一個助教長駐改文
叫我下次遇到同樣既事要早d通知佢

我他喵的同你講左三個禮拜好嗎????

如果老細好聲好氣對我同行政同事
幫佢做到野會講句唔該
咁我地都唔洗日日咁躁啦
問題係佢當我地幫佢做額外野係應份既
做錯少少就笑騎騎咁話Q我地
到佢唔記得或者做錯
就將個波賴落我地身上
仲試過講大話呃d家長
我真係X佢老<no 粗口 please

佢d安排同預算都係世界級既
佢係老細 公司入面好多野都應該要知
就好似d作文咁
改既係我 但派既係你
你點都主動關心下改作文d進度啊
一睇就知要多d人手先有機會改得完啦
你唔主動d搵人幫手
剩係識死慳死抵盡量唔請助教
想用盡我一個人既精力去改
用下腦好唔好????

行政同事同我講
以前公司入面有兩個行政兼老師
兩個人都只得兩三班要教
而且又係full time
作文兩個人平分再改都叫做改得完
宜家公司得我一個full time老師
我仲要有14班要教
嘩老細你當我係超人一個頂兩個????

已對改文感到絕望 求大家拍拍(x

果果拍拍

改得hea少少…(

癒叶is very安安全 :

噹wanna be a 金魚草 : 係要改得極hea
外加我日日唔食飯唔備課
再加星期三唔出trip先改得完((

點解要出trip的

噹wanna be a 金魚草 : 我逢星期三上晝教完之後
下晝就要飛撲去黃埔一間國際幼稚園教班
雖然只係教兩班
但事前要執一大堆教材同print notes
所以又要花時間去搞掂佢
而每個星期都要帶住兩大袋野係地鐵穿越((