我真係、好耐都未試過咁有骨咁爆人樽（。
因為趕住起所以催我睇submission我都明雖然都係會不滿，但夠膽hea我底同我講有睇過份數先入比我check，我個下真係嬲到爆⋯⋯大佬，yr1 sem1 structural design I既bending moment&shear focre diagram，最基本個圖都敢錯住入比我，唔洗計架喎，咁叫有check？重要我直接開圖問時都完全唔望圖亂答我另一份數既comment，我真係心諗main con AE唔洗做野既，唔洗睇積既（

真係本來大家都係AE有咩咪好聲好氣商量
但啲咁簡單既野都錯，重要敷衍我講有睇過份數，真係火都黎埋
我都唔係要求睇得仔細到我咁，話曬我一向都工作認真過頭既，但連基本功既野都錯我真係起火，呢啲都睇唔到錯做咩engineer呀？考咩牌呀？係咪一世做死AE呀？
好彩我重有一絲理智尚存唔係我咁質問佢我都睇唔透出事既係佢定我（。
雖然我都覺我呢種有理智既兇狠度已經會比人投訴（。

火到同事同大佬一齊勸我唔好咁嬲⋯⋯
催我做野已經係唔多高興（今日4點幾入submission 5點幾就黎話想份野聽朝前要因為聽朝就做，其實咁趕點解唔一早入比我同埋點解臨做前幾日重要改design等我由頭睇過？），重要咁樣既態度我簡直是不能忍⋯⋯幫你睇數唔係問題，你冇睇咪認囉，入份垃圾然後話你有睇？你係想搏我係垃圾定你本身係垃圾所以睇過都覺冇問題？

態度真係好重要。
雖然我脾氣真係好差態度都唔好得去邊⋯⋯但你有求於人時，係咪應該唔好咁敷衍呢，重要講啲咁明顯既大話，係咪當我白痴呢？
本身想留兩手話幫都即刻想玩殘佢囉（惡

真係、好鬼嬲
唔好嘗試挑戰阿曉既理智線，我可以好好脾氣點玩都唔嬲，但一踩到我條線，我真係唔會比運你行，都唔會口下留情（。

啊啊啊啊啊啊激氣搞到我咁忟，今晚食雪糕消消氣！！！

對住呢d人會目死