[4月新番]又黎D感想

?!假真

[SUPER LOVERS]唔得，呢套我真係好想棄，頂唔順主CP，到底想點姐你地2個，到底你地2個係一齊緊定冇一齊姐?我接受唔到呢種情節，如果唔係因為雙子，我應該睇完上一集就棄左

[熊巫女]一開始覺得一般，依家都係一般，不過熊係安元所以有加分，所以有睇到，但，唔係我中意既野

[JOKER GAME]好睇，間諜片好正，睇到佢地係各種困境同疑難中成功解決到問題/逃脫/搵到另一個間諜，真係睇到我超級緊張，但係，我睇左咁多集，我一個人都認唔到SAD

[我是坂本]套野真係好煩膠，又好嘔心，但其實又真係幾好睇幾好笑wwww話說今集有8823前輩，巧緊張啊，8823真係好正

[文豪野犬]唔知點解好好睇，但就真係好好睇，睇下佢地查下案，打下黑手黨都幾正，而且有d科幻(?)成份又真係幾唔錯，反正我就係中意睇d科幻野啊(eg.科幻籃球)，呢套岩我口味wwwwww

[我的英雄學院]燃，果係係jump既作品，燃cry(真係cry了)，王道作品真係好正好正好正好正好正，睇住個廢廢既男主變成一個強大既人真係好感動好開心，而且出久又好可愛，加上佢聲優係小野田個聲優，真係一聽到就想cry。而且男女配角們都好有魅力，茶果，梅雨醬，勝己同轟都好正

[JOJO]太正啦，真係太正啦，雖然我係1-5部入面，4部既排名是最後既，但睇到識郁既人又會好中意好中意好中意。除左OP唔係神風做有D遺憾之外，簡直完美(完全私心)，承太郎果然係男神，男神男神男神!!!!!!廣一同未起隆都好中意，好期待BOSS戰啊!!!!

原來我唔記得田中君，又難怪既，田中君一向都唔想麻煩所以唔想引人注目，自然就唔想人記住