[平機會份野有感]相信好多人都抄高登嗰份所謂model answer，但其實大家有冇睇過份諮詢文件本身?其實唔係所有修訂都係為大陸人，大家諗深D其實嗰D條例同樣可以保護香港人from大陸人，而個人覺得份model answer其實有唔少位都係誤會左條問題/諗多左。呢D條例唔剩止保護大陸人，殘疾人士、少數族裔等都受保護，佢地都係香港人，最重要係"受保障特徵"唔好包咩國藉/居民身份，就唔使驚大陸人太大權

誤會例:
諮詢問題42 112
你認為應否加入明確條文，訂出歧視訴訟的舉證標準和舉證責任？若是，你認為條文應否說明申索人一旦確立事實基礎可作有歧視的推論，舉證責任應轉移到答辯人身上要其證明沒有歧視？
不應該。簡直荒謬! 告人歧視的人唔使提出證據, 反而俾人告既人要去證明自己清白? 香港的法律制度是根據無罪推定原則判決，這對香港的司法制度是一大破壞！！！！

其實問題講明係要原告"一旦確立事實基礎可作有歧視的推論"，即要證明左自己受歧視之後先到被告證明自己冇歧視which兩邊都好難證明

例2:
諮詢問題44 115
你認為應否修訂歧視法例，以確保平機會在得到法律協助的申索人獲判給訟費時，能向答辯人追回訟費？
不應該。平機會走去幫大陸人打官司, 大陸人嘢咗場官司後, 平機會仲想問香港人攞番錢? 咁我哋香港納稅人做乜要出錢成立平機會? 不如平機會執咗去啦!

大家記住:香港人都受呢D條例保護!即係有僱主歧視南亞裔朋友，後者勝訴後可以向前者索償。甚至香港人成功告大陸人歧視同樣可以向大陸人追訴訟費!

我知道份野真係1999真係好難明好難填，而大家都想保障香港人嘅權利，唔想見到香港嘅經濟政策甚至法律繼續向大陸傾斜，但正因為咁大家要小心D文字陷阱，唔好因為一時火遮眼而中伏，要理性諗清楚先答份意見書，咁先真正幫到香港

同埋其實多元成家&跨性別/同性婚姻都會受保障，所以我都係睇到一半就冇理份model answer了

尤其係高登仔下下舉例都淨係識舉香港人鬧大陸人就會犯法 其實feel到無限恨意，雖然我都憎蝗但填諮詢報告唔可以咁架嘛

龍叔叔✈課到裸奔 : 係囉，對網民就可以咁語氣啫