我好攰

同屋企人相處咗咁多年，可能我越黎越大個，睇嘅野多諗嘅野都多咗

成日掛係口上面話唔介意，其實明眼人都睇得出，最介意個個就係佢
點解佢永遠都唔會明呢個世界上無野係可以十全十美，佢永遠地睇唔到好嘅一面，亦都可以話係張壞個方面無限放大。我叫佢睇開啲，佢會答我「咩叫睇開啲！事實上真係咁呀嘛！」…ok fine我無野講

就好似我同佢講哎呀我見個份工每個月都係得4日假炸好少時間去玩，佢就會一句「學歷低係咁㗎啦鬼叫你學歷低呀係無得玩㗎啦係好辛苦㗎啦」得埋黎。唉我都係求其講句野啫。佢覺得所有野都唔夠好，唔夠，咩都唔夠

我今日同佢講，家姐成日打黎呻話家婆煮野唔好食，佢就開始痛心欲絕咁講，邊個叫佢窮呀！嫁咗個窮嘅男人呀！有錢咪可以請工人唔駛叫家婆去囉！一大堆野，唉我好攰，可唔可以唔好再俾你啲負能量我！

我覺得屋企小康，整整齊齊個個身體健康，家姐成立咗個家庭有車有樓仲真係有番狗 遲啲仲有個新成員添！雖然係表面嘅風光之下係有好多問題，但係事實邊有話100%perfect㗎！
但係佢就覺得家姐係有bb不過係女仔，哥哥係攢到錢但係哥哥屋企窮，家姐生活係好美滿但係好多錢都係佢出

自己係有好多錢人工高褔利好但係工時長做飲食行業俾人俾親戚睇唔起

知足常樂對於佢黎講係啲失敗者，想偷懶，無理想，唔識打算嘅代名詞。

唔係話有要求唔好，喂但係你一路拘泥於已經無法改變嘅事實當中都係無補於是㗎波！唔通你叫家姐離婚？你重新再讀過書？再投過胎？

點解唔學識去接受現實，好好放低，享受下當下呢？

成日睇唔起啲住公屋嘅人，屋企比較窮，但係鐘意享受嘅人。佢地覺得做人要節儉，唔可以有娛樂(因為要錢)，人生最終目標都係錢(但係平時又唔用得)，你宜家有咁多資產，但係你根本就唔滿足，你一啲都唔開心，你又何必呢？

相反，有幾多洗幾多，想食咩食咩想玩咩玩咩，有咩後果甘之如飴咁樣做人都幾開心呀。人嘅生存最終意義就係追求快樂人生。空有一身銅臭金碧玉砌一切身外之物，但係偏偏無咗心靈上嘅滿足，人生仲有咩義意？