遲咗介紹。
《發夢製作公司》第一集份廣東話稿係我譯嘅，睇完個花絮又幾正。
因為我英文比日文差，所以基本上好少接英文JOB，今次係少數例外。

講番套動畫，我哋譯寫稿小組暗地裏覺得係大人睇嘅作品，
因為兩個女主角，係中女職場奮鬥記vs新晉小編被老海鮮壓榨，
完全係戈師奶大戰野蠻奶奶嘅格局。

嗱完全冇貶低套作品嘅意思，只係想話入面嘅內容同人設都唔係畀小朋友睇，而係畀大人睇，入面啲角色總有一兩個好似喺你身邊會出現。

粵語配音 噢IvySoIvySo 蘇蝦必睇

《發夢製作公司》| 廣東話版正式預告 | 12.11 Disney+ 獨家上線

女主角：單身中女才華已經過氣又冇自覺，成日覺得自己仲有無限可能
星尼：姑媽係電視台高層所以有得做個新導演拍吓白日夢，但係冇人明佢拍咩囉，咁藝術點賺錢呀
珊姐：挑撥班下屬等佢哋爭餐死，然後自己一啖沙糖一啖屎咁對佢哋，班下屬仲當佢恩人咁拜

淨係睇呢三個角色就見到啲職場爭鬥，你話點會啱小朋友睇。
有D＋嘅朋友，呢套真心推。

加上粵語配音真心高質。
多謝領班搵我幫手。

「好喇，手足，埋位做嘢。」
聽到呢句對白有感動到，畢竟有啲電視台唔畀講手足兩個字。

睇吓職場老海鮮道行幾高

Facebook